|
ਗਡਕਰੀ ਮੁੜ ਹੋਏ ਆਪੇ ਤੋਂ ਬਾਹਰ, ਪ੍ਰਧਾਨ ਮੰਤਰੀ ਨੂੰ ਕਿਹਾ ਗਾਂਧੀ ਦਾ ਬਾਂਦਰ |
|
|
|
|
ਨਵੀਂ ਦਿੱਲੀ: ਭਾਜਪਾ ਦੇ ਰਾਸ਼ਟਰੀ ਪ੍ਰਧਾਨ ਨਿਤਿਨ ਗਡਕਰੀ ਦੀ ਜ਼ੁਬਾਨ ਇਕ ਵਾਰ ਫ਼ਿਰ ਕਾਬੂ ਤੋਂ ਬਾਹਰ ਹੋ ਗਈ। ਕਾਮਨਵੈਲਥ ਖੇਡਾਂ 'ਚ ਭ੍ਰਿਸ਼ਟਾਚਾਰ ਦੇ ਸਵਾਲਾਂ 'ਤੇ ਉਨ੍ਹਾਂ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਨੂੰ ਮਹਾਤਮਾ ਗਾਂਧੀ ਦਾ ਬਾਂਦਰ ਕਹਿ ਦਿੱਤਾ। ਗਡਕਰੀ 'ਕਾਮਨਵੈਲਥ ਖੇਡਾਂ ਜਾਂ ਕਾਮਨ ਮੈਨ ਲੁੱਟ' ਵਿਸ਼ੇ 'ਤੇ ਇਕ ਸੈਮੀਨਾਰ 'ਚ ਪ੍ਰਧਾਨ ਮੰਤਰੀ ਦੀ ਭੂਮਿਕਾ ਨੂੰ ਲੈ ਕੇ ਜੁਆਬ ਦੇ ਰਹੇ ਸਨ। ਇਸ ਦੌਰਾਨ ਉਨ੍ਹਾਂ ਨੇ ਕਹਿ ਦਿੱਤਾ ਕਿ ਪ੍ਰਧਾਨ ਮੰਤਰੀ ਗਾਂਧੀ ਜੀ ਦੇ ਬਾਂਦਰਾਂ ਵਰਗਾ ਵਿਹਾਰ ਕਰ ਰਹੇ ਹਨ। ਉਨ੍ਹਾਂ ਕਿਹਾ ਕਿ, ''ਪੀ.ਐਮ. ਕੋਲ ਕੰਨ ਹਨ, ਪਰ ਉਹ ਸੁਣਦੇ ਨਹੀਂ, ਅੱਖਾਂ ਤਾਂ ਹਨ ਪਰ ਉਨ੍ਹਾਂ ਨੂੰ ਦਿਖਾਈ ਨਹੀਂ ਦਿੰਦਾ ਅਤੇ ਜ਼ੁਬਾਨ ਵੀ ਹੈ ਪਰ ਕੁਝ ਬੋਲਦੇ ਨਹੀਂ। ਲੱਗਦਾ ਹੈ ਕਿ ਮਨਮੋਹਨ ਸਿੰਘ ਮਹਾਤਮਾ ਗਾਂਧੀ ਦੇ ਉਨ੍ਹਾਂ ਬਾਂਦਰਾਂ ਵਾਂਗ ਹਨ, ਜੋ ਕੰਨ, ਅੱਖਾਂ ਅਤੇ ਮੂੰਹ 'ਤੇ ਹੱਥ ਧਰ ਕੇ ਬੈਠੇ ਹੁੰਦੇ ਹਨ।'' ਉਨ੍ਹਾਂ ਨਸੀਹਤ ਦਿੰਦਿਆਂ ਕਿਹਾ ਕਿ ਮਨਮੋਹਨ ਸਿੰਘ ਬਾਂਦਰਾਂ ਵਰਗਾ ਵਿਹਾਰ ਛੱਡਣ ਅਤੇ ਕਾਮਨਵੈਲਥ ਖੇਡਾਂ ਦੇ ਮਾਮਲੇ 'ਚ ਚੁੱਪ ਤੋੜਨ।
|
|
|
|
<< Start < Prev 1 2 3 4 5 6 7 8 9 10 Next > End >>
|
ਆਜ਼ਾਦੀ ਦਿਵਸ ਸਬੰਧੀ ਸਮਾਗਮ ਦੌਰਾਨ ਬਖਸ਼ੀ ਸਟੇਡੀਅਮ ਵਿੱਚ ਮੁੱਖ ਮੰਤਰੀ ਉਮਰ ਅਬਦੁੱਲਾ ਵੱਲ ਇੱਕ ਅਸਿਸਟੈਂਟ ਸਬ ਇੰਸਪੈਕਟਰ ਵੱਲੋਂ ਜੁੱਤਾ ਚਲਾਇਆ ਗਿਆ । ਪਰ ਇਹ ਜੁੱਤਾ ਉਮਰ ਨੂੰ ਨਹੀ ਲੱਗਾ । ਪੀ ਆਈ ਪੀ ਗੈਲਰੀ ਵਿੱਚੋਂ ਮੁੱਖ ਮੰਤਰੀ ਨਿਸ਼ਾਨਾ ਬਣਾ ਕੇ ਛੱਡਿਆ ਇਹ ਜੁੱਤਾ ਮੰਚ ਦੇ ਕੋਲ ਜਾ ਕੇ ਡਿੱਗ ਪਿਆ । ਪੁਲੀਸ ਨੇ ਇਸ ਵਿਅਕਤੀ ਨੂੰ ਮੌਕੇ ਤੇ ਹੀ ਗ੍ਰਿਫ਼ਤਾਰ ਕਰ ਲਿਆ ਗਿਆ। ਉਹ ਕਸ਼ਮੀਰ ਦੀ ਆਜ਼ਾਦੀ ਲਈ ਨਾਅਰੇ ਵੀ ਲਾ ਰਿਹਾ ਸੀ । ਸ੍ਰੀਨਗਰ ਦੇ ਸੀਨੀਅਰ ਪੁਲੀਸ ਅਧਿਕਾਰੀ ਆਸਿ਼ਕ ਬੁਖਾਰੀ ਮੁਤਾਬਿਕ ਅਬਦੁਲ ਅਹਿਦ ਜਾਨ ਨਾਂਮੀ ਇਹ ਵਿਅਕਤੀ ਪੁਲੀਸ ਵਿੱਚ ਸਹਾਇਕ ਸਬ ਇੰਸਪੈਕਟਰ ਹੈ ਅਤੇ ਹੁਣ ਸਸਪੈਂਡ ਚੱਲ ਰਿਹਾ ਹੈ। 
